1. პროექტის სახელწოდება: ვწეროთ სწორად და გამართულად
2. პროექტის მთავარი იდეა (თემა) 1-2 წინადადებით: მოსწავლეებმა შეძლონ სხვადასხვა ტიპის ტექსტის შექმნა და მართებულად გამოიყენონ ენობრივ - გრამატიკული სტრუქტურები და ხერხები.
3. პროექტის აქტუალობა: მოსწავლეებს უჭირთ შინაარსობრივად და სტრუქტურულად გამართული ტექსტის შედგენა, მართლწერის და პუნქტუაციის ნორმების დაცვა, გრამატიკული შეცდომების გასწორება.

4. პროექტის მიზნები: მოსწავლეებში წერითი უნარ - ჩვევების განვითარება, რედაქტირებისა და კორექტირების უნარის განვითარება.

5. მონაწილეთა ასაკი: VIII კლასი ( 12 – 13 წელი)
6. ვადები/ხანგრძლივობა: 2 თვე
7.მოსალოდნელი შედეგები/პროდუქტები, რაც შეიძლება შეიქმნას: მოსწავლეები შექმნიან და წარმოადგენენ პრეზენტაციებს, კედლის გაზეთს, პლაკატებს, ხელნაწერ ჟურნალს.

8.პროექტისათვის საჭირო ძირითადი რესურსები: კომპიუტერი, პროექტორი, ინტერნეტი, ფლიპჩარტები, მარკერები.

9. პროექტის მსვლელობა (ძირითადი აქტივობები):

აქტივობა  1 - მოსწავლეთათვის მოვალეობების გადანაწილება

აქტივობა  2 - ინტერნეტ სივრციდან, სახელმძღვანელოებიდან, ჟურნალ - გაზეთებიდან  შეცდომით დაწერილი ტექსტების მოძიება და კორექტირება.

აქტივობა  3 - მოძიებულ მასალებზე დაყრდნობით პრეზენტაციების მომზადება (ჯგუფურად)

აქტივობა  4 - მასალების შეგროვება, რედაქტირება და კორექტირება ხელნაწერი ჟურნალისათვის.

აქტივობა  5 - ჟურნალის გაფორმება

აქტივობა  6 - პრეზენტაციების წარმოდგენა

10. საგნებთან/საგნობრივ ჯგუფებთან/ეროვნულ სასწავლო გეგმასთან კავშირი:

 ქართ. VIII. 12. მოსწავლეს შეუძლია ენობრივ-გრამატიკული სტრუქტურებისა და ხერხების მართებულად გამოყენება სხვადასხვა სახის ტექსტების შესაქმნელად.

შედეგი თვალსაჩინოა, თუ მოსწავლე:

·         სწორად ხმარობს ზმნის დრო-კილოთა და ქცევის ფორმებს;

·         იცავს პუნქტუაციისა და მართლწერის სალიტერატურო ნორმებს;

·         მართებულად ჩაანაცვლებს დამოკიდებულ წინადადებებს ინფორმაციის დამაზუსტებელი განკერძოებული სიტყვებითა და გამოთქმებით (მაგალითად, „ჩემი ძმა, რომელიც თორმეტი წლისაა“..., „ჩემი ძმა, თორმეტი წლის ბიჭი“...);

·         მართებულად იყენებს მსჯელობისა და არგუმენტაციისთვის შესაფერის ლექსიკასა და სინტაქსურ  კონსტრუქციებს („თუ... მაშინ...“, „აქედან გამომდინარე...“, „ამრიგად...“, „მაშასადამე...“, „რასაც ადასტურებს...“);

·         მიმოხილვითი ხასიათის ტექსტის შექმნისას იყენებს შესაბამის ენობრივ-გრამატიკულ სტრუქტურებსა და ხერხებს. 

ქართ. VIII. 13. მოსწავლეს შეუძლია წერის სტრატეგიების გამოყენება ნაწერის ეფექტური ორგანიზებისათვის.

შედეგი თვალსაჩინოა, თუ მოსწავლე:

·         შეაქვს ტექსტში შინაარსობრივი და სტრუქტურული ხასიათის შესწორებები, რათა იგი იყოს მკაფიო, ლოგიკური და თანამიმდევრული;

·         ასწორებს ნაწერში ორთოგრაფიულ, პუნქტუაციურ და გრამატიკულ შეცდომებს; იყენებს ორთოგრაფიულ და უცხო სიტყვათა ლექსიკონებს;

·         იყენებს კომპიუტერულ ტექნოლოგიას ტექსტების შესადგენად, დასაფორმატებლად და პრეზენტაციის მოსამზადებლად.

11. პროექტის ხელმძღვანელი (მასწავლებელი): ნაირა ხარგალაძე
12. პროექტის  ხელმძღვანელის ელ. ფოსტა: naira.xargaladze@gmail.com